Staj dre soubidigezh e Bro-Gwened

Skol an Emsav a ginnig deoc’h ur staj dre soubidigezh e Bro-Gwened evit mont war-raok gant ho prezhoneg ag ar vro (gwenedeg). 

Pevar devezh bourrabl en ur gêriadenn gaer e Kervignag : Tiez ar Ganquis.

Ar c’hentelioù a vo diouzh mintin ha dizoloet e vo ar c’hornad d’enderv (Porzh-Loeiz, An Henbont…)
Diouzh noz e vo kinniget abadennoù kan ha dañs ha filajoù ivez.

E brezhoneg e vo ar staj, penn-da-benn, e-barzh hag er-maez eus ar c’hentelioù.

Ne ouiit ket petra eo ho live ? Amprouit ho prezhoneg get Desketa !

Niver a blasoù : 24 bod & boued

Implij-amzer & roll oberiantiz

D’AR YAOU 29/05

Mintin : Degemer ha kentel

Enderv : Kentel

Serr-noz : Prezegenn a-ziàr-benn anvioù lec’h ha tud ar c’hornad get Serj Bozeg

Noz : prezegenn a-ziàr-benn perzhioù dibar ha distagadur brezhoneg bro-Gwened get Jean-Claude Le Ruyet

D’AR GWENER 30/05

Mintin : gweladenniñ sitadell Porh-Loeiz ha Mirdi kompagnunezh an Indez get Kentin Daniel-Walter

Enderv : Kentel

Serr-noz : C’hoarioù ha digor-kalon

Noz : Filaj get Daniel Carré

D’AR SADORN 31/05

Mintin : kentel 

Enderv : baleadenn natur e Lostenk a-hed gwazh an Intel gant Padrig Drean & Jean-Paul Runigo (Dourioù ha Stêrioù Breizh)

Serr-noz : Digor-kalon

Noz : Meni fest-noz, get sonennoù ha tonioù da selaou ha da zañsal

D’AR SUL 01/06

Mintin : Gweladenniñ tourioù Bro-Ereg en Henbont get Rémi Pierre

Enderv : Bilañs, c’hoari, merenn vihan ha kimiadiñ

Gellet a ray ar stajerion a garo en em gavet d’ar Merc’her 28/05 da noz e bod ar Ganquis (met ret e vo dezhe degas o boued). 

Roit da ouiet da degemer@skolanemsav.bzh a-raok al Lun 26 a viz Mae 2025.

Bod & boued

• E-barzh pep ti ez eus ur saloñs, ur gegin, ur sal-dour ha privezioù.
• Ar boued a zo e-barzh priz ar staj.

• Ur gwele 2 blas ? Deuit gant ur mignon.ez : un distaol 20% a vo war an eil plas miret !

A-bouez :

• Dasparzhet e vo ar c’hambreier diouzh dibab pep hini keit ha ma vo posubl ha diouzh an niver a blasoù a chomo, diouzh urzh an enskrivadurioù.
• Hor seizh gwellañ a raimp da zoujañ ouzh ar pezh ho koulenn e-barzh ar furmskrid enskrivañ.
• An tiez e vo mesket merc’hed ha paotred diouzh an enskrivadurioù hag ar goulennoù.
• Ma fell deoc’h rannañ ur gwele gant un den kar, lârit deomp er furmskrid.

A-ZEVRI

Emaoc’h o teskiñ brezhoneg gant A-ZEVRI ?
Lakait hoc’h anv kerkent ha bremañ evit lakaat digreskiñ priz ho staj !