Offre d’emploi / Formateur.ice – Saint-Herblain (44)

Post-labour : Stummer.ez war ar brezhoneg
Emglev a-stroll ar stummañ : pazenn 10
Amzer-labour : leun-amzer
Kevrat : CDD 12 miz
Lec’h labour : post diazezet e kreizenn Skol an Emsav, 12 bali an Añjevigner, 44800 Sant-Ervlan
Deiziad kregiñ : d’al Lun 24 a viz Eost 2026

Aozioù labour :

• Kentelioù e-pad an deiz & kentelioù d’abardaez-noz
• Kentelioù e Naoned & Roazhon (e-pad ar prantad-ambroug)
• Kentelioù stummadurioù 6 ha 3 miz, war al lec’h

Barregezhioù goulennet :

• Live brezhoneg uhel dre-gomz ha dre-skrid : C1 – live 5 pe Aotreegezh war ar brezhoneg
• Diplom pe skiant-prenet war ar c’helenn hag ar bedagogiezh
• Bezañ gouest da verañ e amzer-labour (kelenn er c’hlas, enklask/prientiñ kentelioù, kefridioù all a denn da vont-en-dro ar greizenn stummañ)

Barregezhioù deuet mat :

• Anavezout bed ha mont-en-dro ar stummañ evit an dud deuet
• Anavezout an hentennoù da gelenn brezhoneg ha da luskañ ur gentel hiziv-an-deiz
• Bezañ gouest d’ober gant doareoù ha teknikoù-kelenn a-bell
• Aotre-bleniañ B

Doare den :

• En e vleud gant ur strollad tud deuet
• Entanet gant ar c’helenn da dud a bep seurt buhezioù, raktresoù ha hentoù-micher dezhe
• Dedennet gant teknikoù pedagogel liesseurt (o deskiñ, o rannañ gant ar geneiled)
• Gouest da labourat en ur mod emren koulz hag a-stroll
• Spered-krouiñ ha nerzh-kinnig

Ur stummadur a vo kinniget e diabarzh ar greizenn. Ouzhpenn-se e vo harpet hag ambrouget ar stummer nevez gant ar skipailh.

Lizher emginnig + CV da gas da morwena.audic [at] skolanemsav.bzh a-benn ar Yaou 9 a viz Gouere 2026.

Emgavioù tuta d’ar Merc’her 15 ha Yaou 16 a viz Gouere 2026.