Stummer.ez – Kentelioù sizhuniek ENLINENN

AR POST-LABOUR

Anv ar post : Stummer.ez
Natur ar post : Kelenn
Niver a eurvezhioù : 18 eurvezh / sizhun
Framm ar post : Kelenn : 9 eurv. / Prientiñ : 7 eurv. / Ambroug-Emstummañ : 2 eurv.
Emglev a-stroll : IDCC 1516 Organismes de Formation
Pazenn : 10
Gopr : 13,658 € kriz / eurvezh

KEFRIDIOÙ

Kefridi bennañ : Stummañ skolidi ar c’hentelioù sizhuniek ENLINENN

• Obererezhioù : Aozañ an obererezh stummañ (o kenlabourat gant ar skipailh stummerien)
  Dindan evezh ha gant harp kenurzhierez ar c’helenn
• Prientiñ kentelioù : diouzh ar programm hag ar priziañ, renkañ ur prantad kelenn, aozañ/adimplij dafar pedagogel, diouzh ezhomm ar stajidi.
• Buheziñ kentelioù / Lakaat ar programm e pleustr
• Sevel ha kempenn benvegoù pedagogel diouzh e varregezhioù
• Sevel ha kempenn benvegoù priziañ
• Titouriñ teuliadoù heuliañ an deskarded (bezañs evit pep kentel, levrig heuliañ melestradur/pedagogiezh pep stajiad, egorenn Digiforma pep stajiad)
• Derc’hel d’an darempredoù etre ar stajidi ha skipailh SAE (stummerien, melestradur…)
• Dastum/sontañ santimant ar stajidi war o stummadur
• Titouriñ/brudañ obererezhioù DUDI ha stummadurioù SAE

Kenlabour / Kenbrientiñ / Diellañ

• Efedusaat al labour prientiñ ha stabilaat danvez ar c’hentelioù dre labourat gant stummerien all war prantadoù boutin.
• Diellañ/rannañ ar c’hentelioù prientet, da liammañ ouzh ar programm
• Diellañ/rannañ hag urzhiañ an dafar pedagogel implijet evit pep kentel, da liammañ ouzh ar programm
• Kemer perzh en emvodoù ar stummerien ha skipailh + degas mennozhioù da gas war-raok an doare da labourat
• Reiñ keloù da genurzhier.ien ar c’helenn hag an hentad stummañ pa vez un dalc’h gant an dafar, an aozañ, ar c’helenn pe gant un deskard

Kemer perzh e buhez ha diorren ar greizenn

• Ijinañ pe kemer perzh e raktresoù pedagogel nevez, diouzh ezhomm ar stajidi (KA)
• Kemer perzh en emvodoù war ar stummañ aozet war al lec’h labour pe er-maez (KA)
• Kemer perzh e foromoù/saloñsoù diouzh an ezhomm (KA)
• Kemer perzh en abadennoù hag emgavioù e-lec’h ma vez engouestlet Skol an Emsav, diouzh an ezhomm (KA)
• Kemer perzh / sikour da aozañ oberiantizoù nann-gelenn SAE (KA)
• Skriv pennadoù evit #brezhoneg (KA)

ROLL KENTELIOÙ

A-ZEVRI (stummadur fonnus hibrid)

• Live 1 : d’ar Meurzh, 18e30-20e00
• Live 2 : d’ar Yaou, 18e30-20e00
• Live 3 : d’ar Merc’her, 18e30-20e00

Kentelioù sizhuniek (1 eurvezh)

• Live 1 : d’ar Yaou, 12e30-13e30
• Live 2 : d’ar Gwener, 12e30-13e30

Kentelioù sizhuniek dre ar saozneg

• Bloaz 5 : d’ar Merc’her, 17e00-18e30

Kentel souten war ar brezhoneg

• D’ar Merc’her, 14e00-16e00 (1 wezh / miz)

AOZIOÙ LABOUR

• Kelenn 9 eurvezh ar sizhun (dre geidenn)
• Kentelioù enlinenn hepken
• Kentelioù e-kerzh an deiz
• Kentelioù d’abardaez-noz
• Pell-labour posubl betek 100% eus an amzer labour.
• Eurvezhioù ambroug hag emstummañ e kreizenn Roazhon, er penn-kentañ da vihanañ
• Amzer brientiñ : 7 eurvezh / sizhun (aozadur da renkañ gant kenurzhierez ar c’helenn)
• Emstummañ : 2 eurvezh / sizhun (aozadur hag ambroug da renkañ gant kenurzhierez ar c’helenn)

BARREGEZHIOÙ GOULENNET

• En h.e aez o teskiñ kelenn ha kenlabourat gant savennoù niverel (klas enlinenn, rannañ teulioù ha mediaoù) : ur stummadur resis war an ostilhoù hag ar meziantoù labour a vo kinniget gant Skol an Emsav
• Live brezhoneg uhel dre-gomz ha dre-skrid : C1 – live 5 pe Aotreegezh war ar brezhoneg
• Diplom / Skiant-prenet war ar c’helenn hag ar bedagogiezh
• Anavezout bed ha mont-en-dro ar stummañ evit an dud deuet
• Anavezout an hentennoù da gelenn brezhoneg ha da luskañ ur gentel hiziv-an-deiz
• Bezañ gouest da verañ e amzer-labour (kelenn er c’hlas, enklask/prientiñ kentelioù, kefridioù all a denn da vont-en-dro ar greizenn stummañ)
• Saozneg deuet mat
• Aotre-bleniañ B

Ur stummadur a vo kinniget e diabarzh ar greizenn gant kenurzhierez ar bedagogiezh. Ouzhpenn-se e vo harpet hag ambrouget ar stummer nevez gant ar skipailh.

DOARE DEN

• En e vleud gant ur strollad tud deuet
• Entanet gant ar c’helenn da dud a bep seurt buhezioù, raktresoù ha hentoù-micher dezhe
• Plijet o kenlabourat gant e geneiled evit prientiñ ha kas ar c’hentelioù
• Dedennet gant teknikoù pedagogel liesseurt (o teskiñ, o rannañ gant ar geneiled)
• Gouest da labourat en ur mod emren koulz hag a-stroll
• Entanet o teskiñ hag o rannañ e ouiziegezh dalc’hmat

EVIT LAKAAT HOC’H ANV

• Lizher emginnig + CV da gas da gwenael.dage(@)skolanemsav.bzh
• Deiziad termen : d’ar Gwener 17 a viz Genver 2025
• Deiziad kregiñ : an abretañ ar gwellañ

PELLGARGAÑ AR FICHENN-BOST