Kinnig-labour / Stummer.ez – Roazhon (35)

Post-labour : Stummer.ez war ar brezhoneg
Emglev a-stroll ar stummañ : pazenn 10 (12,75 € kriz / eurvezh)
Amzer-labour : darn-amzer
Kevrat : CDD 12 miz (evit kregiñ, da reneveziñ diouzh an ezhomm)
Lec’h labour : post diazezet e kreizenn Skol an Emsav, 8 trolec’h Sant-Albin, 35 000 Roazhon
Deiziad kregiñ : d’al Lun 11 a viz Gwengolo 2023

Aozioù labour :

• Kentelioù e-pad an deiz & kentelioù d’abardaez-noz
• Kentelioù e Roazhon & er-maez eus kêr Roazhon
• Kentelioù ez-fizikel & kentelioù a-bell

Barregezhioù goulennet :

• Live brezhoneg uhel dre-gomz ha dre-skrid : C1 – live 5 pe Aotreegezh war ar brezhoneg
• Diplom / Skiant-prenet war ar c’helenn hag ar bedagogiezh
• Anavezout bed ha mont-en-dro ar stummañ evit an dud deuet
• Anavezout an hentennoù da gelenn brezhoneg ha da luskañ ur gentel hiziv-an-deiz
• Bezañ gouest da verañ e amzer-labour (kelenn er c’hlas, enklask/prientiñ kentelioù, kefridioù
  all a denn da vont-en-dro ar greizenn stummañ)
• Bezañ gouest d’ober gant doareoù ha teknikoù-kelenn a-bell (FOAD)
• Aotre-bleniañ B dre ret

Doare den :

• En e vleud gant ur strollad tud deuet
• Entanet gant ar c’helenn da dud a bep seurt buhezioù, raktresoù ha hentoù-micher dezhe
• Plijet o kenlabourat gant e geneiled evit prientiñ ha kas ar c’hentelioù
• Dedennet gant teknikoù pedagogel liesseurt (o deskiñ, o rannañ gant ar geneiled)
• Gouest da labourat en ur mod emren koulz hag a-stroll
• Entanet o teskiñ hag o rannañ e ouiziegezh dalc’hmat
• Spered-krouiñ ha nerzh-kinnig

Ur stummadur a vo kinniget e diabarzh ar greizenn, gant kenurzhierezed ar bedagogiezh hag
an hentad stummañ. Ouzhpenn-se e vo harpet hag ambrouget ar stummer nevez gant ar
skipailh.

Lizher emginnig + CV da gas da emmanuelle.siohan [at] skolanemsav.bzh