Skoazell ar Redadeg : raktresoù Skol an Emsav

Anv zo da sevel ostilhoù niverel da aesaat d’ar vrezhonegerien derc’hel da bleustriñ ha da lenn, goude ur stummadur hir, da skouer. Setu perak emañ Skol an Emsav o tiorren meur a raktres stag ouzh an embann.

Hor raktresoù :

digoret ur post-labour leun-amzer evit kenurzhiañ an embann :
- Tutaet e oa bet ur genurzhierez e miz Here 2023. Gouestlet eo ar post-labour da vuheziñ ha da ziorren ar c’helaouennoù ha da verañ ar c’houmanantoù.
adlañset lusk an embann :
- Dale a oa gant ar c’helaouennoù abaoe bloavezhioù… Kerkent ha miz Genver 2024 e oa deuet al lusk en e reizh hag embannet e vez ar c’helaouennoù bep daou viz, evel raktreset. N’eus ket mui ezhomm da bellgomz deomp evit goulenn pelec’h emañ ho magazin !
nevesaet maketenn ar gelaouenn Bremañ :
- Kempouesoc’h ha skañvoc’h he zestennoù, unvanoc’h he skeudennoù hag he livioù, ekologeloc’h he faper ha nevez he rubrikennoù : marteze ne ra forzh deoc’h met a-dra-sur eo laouen ho taoulagad !
embannet daou arload pedagogel digoust (#deskiñ hag #c’hoari) stag ouzh #brezhoneg :
- Digoust, fentus ha ganeoc’h en ho chakod atav ! Evit gouzout hiroc’h : https://skolanemsav.bzh/brezhoneg/ (Psitt ! un trede arload a zo war ar stern !)
a-raok pell, al lec’hienn breman.bzh :
- Keleier eus Breizh hag ar bed atav ! Enlinenn e vo kavet danvez ar stumm paper, ha muioc’h c’hoazh tamm-ha-tamm ! Koumanantiñ a vo d’ober, evel-just. Na rit ket bil, avat : ne vo ket echu gant ar gelaouenn baper ha pennadoù digoust a vo war al lec’hienn ivez. Ha bep un tammig e c’hello al lennerien lenn pe adlenn 40 bloavezh a zielloù !