Selaouit ‘ta, arzourien ger,
Stajidi a-vremañ pe stajidi bet, skolidi ar c’hentelioù, skipailh a-youl vat pe mignoned Skol an Emsav : poent eo diskouez hoc’h arz e ti-Skol an Emsav e-kreiz Mizvezh ar Brezhoneg !
Luc’hskeudennoù, tresadennoù, livadurioù, diskouezit dimp ho lec’hioù muiañ-karet e Breizh (pe e-maez eus Breizh, ne vimp ket chalet !).
Ma fell deoc’h kemer perzh, trugarez da leuniañ ar furmskrid amañ-dindan a-raok an 28/02/26 ha degasit hoc’h oberennoù da Skol an Emsav a-raok an 30/02/26.
An diskouezadeg a vo skritellet etre ar 1añ hag an 31 a viz Meurzh. Digor d’an holl ha digoust ! Emgav d’an 13/03/26 adalek 6e noz evit dizoleiñ ho labour en ur evañ banneoù asambles e-pad Tavarn Vrezhoneg SAE ! Prantadoù a bep seurt a vo kinniget ivez e-pad an nozvezh-mañ.
Kemer perzh en diskouezadeg
Da ouzhpennañ en deskrivadur:
Trugarez da gas ho respont a-raok an 28/02/26 ha degas hoc’h oberennoù a-raok an 02/03/26 war brud@skolanemsav.bzh
Teir oberenn d’ar muiañ dre zen.
Gall a rit ouzhpennañ un etikedenn da skritellañ dindan hoc’h oberenn gant an titl, hoc’h anv ha ho rouedadoù sokial.