Kejadenn gant Bretagne Culture Diversité
Kejadennoù gant tud a-vicher e vez kinniget gant Skol an Emsav e-kerzh ar stummadurioù war an daoulamm. Un digare da gejañ gant tud a labour e bed ar brezhoneg hag ivez da c’houzout hiroc’h diwar-benn an digoradur micherel goude ar stummadur.
E-kreiz bep prantad stummadur e vez kinniget gant Skol an Emsav kejadennoù liesseurt gant tud a-vicher e bed ar brezhoneg.
D’ar Merc’her 25 a viz Genver 2023 o doa kejet stajidi nevez stummadur 6 miz Soizick Aubry eus Bretagne Culture Diversité (BCD) hag he doa kinniget raktresoù ha palioù ar gevredigezh.
Un digarez mat d’hor stajidi da sevel goulennoù hag eskemm war peadra e vez kinniget gant BCD : danvezioù sevenadurel, gouiziegezhioù liesseurt war yezhoù Breizh, ar sevel renabl-pad glad sevenadurel dizanvez Breizh da skouer. Kement tra zo da vezañ tennet gounit warno gant ar stajidi evit mont pelloc’h gant o raktres hiniennel.
Kejadennoù ouzhpenn a zo o tont e Skol an Emsav ! Annie Ebrel a vo gwelet gant ar stajidi a-benn nebeud. Un digarez ouzhpenn da heuliañ keleier ar stajidi !
Goulennoù zo ?
Kas ur gemennadennC'hoant 'peus gouzout hiroc'h war hon obererezhioù kelenn ha dudi ? Laouen e vo hor skipailh da respont deoc'h !
